 |
 |
| Aurreko igandean, Xalapartako Ohiko Batzarrean, kide
guztien adostasunez erabaki zuten Hernani Club Rugby Elkartea 2016ko
Hernaniar Bikaina izendatzea, talde honek iaz bete baitzituen 50 urte
bere sorreratik. Xalapartak azaldu zuenez, urteotan milaka pertsonek parte hartu dute klubean. Errugbi taldea hernaniarren artean guztiz txertatua dago eta oso estimatua da egiten duen kirol eta lan pedagogikoagatik. Horiez gain, aitortua da herrian, Euskal Herrian eta nazioartean ere. Eredua da guretzat. “Behe-behetik hasita, bertako kirolariak oinarrian dituela eta kobratzen ez duten lagun askoren ahaleginarekin maila handienetako errugbi taldeekin jokatzen du. Euren lana kirol munduko talde askok aitortu eta gora-tzen dute”, adierazi zuten. Xalaparta elkarteak bi urtean behin ematen du Hernaniar Bikaina saria. Hernaniko pertsona eta taldeei ematen zaie eta horren bidez herriaren alde egindako lanaren aitortza egiten die elkarteak. |
2016/06/14
Hernaniko Errugbi taldea Hernaniar Bikaina
