Hernaniko Kronikatik jasota:
Hondartzan esan dio agur denboraldiari Hernaniko nesken taldeak.
Bartzelonan izan ziren, Masnou herriko Platja d’Ocata hondartzan. 8
talde zein baino zein, eta lau partidu aurrean. Hernaniarrek ez zuten
partidurik irabazi, baina aurten hasi direla kontuan hartuta, gustora
egoteko moduan dira, bai lortu duten mailagatik eta bai lortu duten
giroagatik. Emaitzak: C.R. Vallsen kontra 0-25 galdu; Mixtesen kontra,
5-15; Raspen kontra 0-20; eta ligila pasata, eliminatorian, Faginesen
kontra 0-20. Denboraldia bukatuta, hilabete inguruko oporrak dituzte
orain, abuztuaren 20an hasiko baitira entrenatzen. 
